Pyaar me humne kya paaya chodo ye ab jane do,kya btlayen kya kaisa tha jaisa bhi tha jane do.

Wo aakhri mulakat shayad mujhe pata tha ki fir milna nahin ho payega par fir bhi main ye jatana nahin chahta tha aur koshish kar raha tha ki shayad uske chehere par wo umeed dikhe,wo haunsla dikhe.Aur wo bhi shayad yahi koshish kar rahi thi par uski koshish ne mano ghutne tek diye jab train platform par ruki,aur dekhte hi dekhte dabe hue dard,gam,takleef laawa ban kar foot pade.

Aaaj bhi apne aap se main ye sawaal poochtha hun ki kyun maine kisi ke emotions ke saah khela,kyun kisi ko sapne dekhne ka haq diya,kyun nahin samajh saka uske pyaar ko,kyun itna khudgarj ho gaya.

Aaj bhi wo chehra,wo Lucknow ka station,wo reservation window aur meri aakhri mulakat uski kasak ke saath,uski har baat rah rah ke yaad aati hai aur dil ki gahraiyon me jahan maine kisi ko jhankne tak nahin deta badi aasani se utar jati hai,mano sirf un gahraiyon me sirf usi ka haq hai.

Aaj bhi woh  manjar saath hai,jo akelapan shayad maine tab mehsus kiya tha wo aaj bhi mera humsafar hai.Hum kyun apna khalipan baatne ke liye kisi ki majburion ka fayda utha lete hain aur ye kyun nahin samajh paate ke kisi aur ko uski jindgi jeene ka poora haq hai aur hume koi haq nahin kisi ko tohfe me itne dard dene ka wo dard jo puri jindgi ke liye sirf nasoor ban kar rah jayen.

Aaj bhi wo hi shatranj ka maidan hai,wo hi bisaat,wo hi chaalon ka daur par ek mohra toot chuka hai kisi aur ke liye maat khate khate,fasta ja raha hai chalon me aur ye chalen jo koi aur nahin uska khud ka wajeer chal raha hai.Dushman ko harana kitna aasaaan lagta hai par koi apna aapki apni bisaat par aapki saari chalon ko ulta kar de to sivay takleef ke kuch nahin deta.

Aaj bhi taash ke 52 patte,aur har patte ke saath ek haar,haar faila ke intejar karti dikhayi deti hai,

Aaj bhi jab mujhko wo pal yaad aate hain,

 tere roobaru teri justju tere ishq me tere ishq me

Tere ishq me hai tere ishq me raakh se roothi koyal se kaali raat kate na hijra wali,

Teri justju karte rahe marte rahe,tere ishq me,tere roobaru baithe hue marte rahe tere ishq me,

Tere ishq me tanhaiyan,tanhaiya,tere ishq me,humne bahut behlaiyan,tanhaiyan tere ishq me.